एजेन्सी । आईसीसी टी–२० विश्वकप क्रिकेटको सुपर–८ चरणबाटै बाहिरिएपछि अस्ट्रेलियाका ओपनर डेभिड वार्नरले अन्तर्राष्ट्रिय क्रिकेटबाट सन्यासको घोषणा गरेका छन् ।
वार्नरले सन्यास घोषणा गर्दै आफ्नो १५ वर्षे अन्तर्राष्ट्रिय करियरमा पूर्णबिराम लगाएको बताएका छन् । आफ्नो अन्तिम अन्तर्राष्ट्रिय खेलमा वार्नरले भारतविरुद्ध मात्र ६ रन बनाउन सके। वार्नरले आफ्नो अन्तिम वान डे गत नोभेम्बरमा भएको विश्वकपमा भारतविरुद्ध र टेष्ट गत जनवरीमा पाकिस्तानविरुद्ध खेलेका थिए।
३७ वर्षे वार्नरले पहिलो टी २० र पहिलो वान डे २००९ को जेनवरीमा साउथ अफ्रिकाविरुद्ध तथा पहिलो टेष्ट २०११ मा न्युजिल्यान्डविरुद्ध खेलेका थिए। आफ्नो अन्तर्राष्ट्रिय करियरमा उनले १ सय १२ वटा टेष्ट म्याचमा ८ हजार ७ सय ८६ रन र १ सय ६१ वान डे म्याचमा ६ हजार ९ सय ३२ रन र १ सय १० वटा टी–२० म्याचमा ३ हजार २ सय ७७ रन बनाएका छन् ।
जारी विश्वकपको सुपर–८ चरण अन्तर्गत गएराति भएको खेलमा अस्ट्रेलिया भारतसँग २४ रनले पराजित भएको थियो ।
प्रतिक्रिया