मेक्सिकोको वियजी सुरुआत

एजेन्सी । जारी कोपा अमेरिका २०२४ को आइतबार बिहान भएको खेलमा मेक्सिकोले विजयी सुरुआत गरेको छ ।

समूह बी अन्तर्गत टेक्ससस्थित एनआरजी स्टेडियममा भएको खेलमा मेक्सिकोले क्यारेबियन राष्ट्र जमैकालाई १–० ले पराजित गरेको हो । मेक्सिकोका लागि जेरार्डो अर्टेटाले ६९औं मिनेटमा निर्णायक गोल गरेका थिए । त्यसअघि ५०औं मिनेटमा जमैकाका मिकेल एन्टोनिओले गोल गरेपनि भिएआरले मान्यता नदिँदा अग्रता लिने अवसर गुमाएको थियो ।

जितपछि मेक्सिकोले समूह बी मा ३ अंक जोडेको छ ।