जर्जिया र चेक गणतन्त्र बराबरीमा

एजेन्सी । जारी युरोकप २०२४ मा गएराति भएको समूह एफ अन्तर्गतको खेलमा जर्जिया र चेक गणतन्त्रले १–१ गोलको बराबरी खेलेका छन् ।

पहिलो हाफमा जर्जस मिकाउटाजेको गोलमा जर्जियाले अग्रता लिएकोमा खेलको ५९औं मिनेटमा पाट्रीक सचिकले गोल गर्दै खेल बराबरी गरेका थिए । यसअघि आ–आफ्नो पहिलो खेल हारेका जर्जिया र चेक गणतन्त्रले दोस्रो खेलमा एक एक अंक हासिल गरेका छन् ।

पहिलो खेलमा जर्जिया टर्कीसँग ३–१ गोल अन्तरले पराजित भएको थियो भने चेक गणतन्त्र पोर्चुगलसँग २–१ गोलले पराजित भएको थियो ।