समूह चरणबाटै बाहिरियो पोल्यान्ड्स, अस्ट्रियासँग ३–१ गोल अन्तरले पराजित

एजेन्सी । जारी युरोकप २०२४ को समूह चरण अन्तर्गत समूह डी को गएराति भएको खेलमा अस्ट्रियाले पोल्यान्ड्सलाई ३–१ गोल अन्तरले पराजित गरेको छ ।

अस्ट्रियाको जितमा जेनोट टुरनियर, क्रिस्टोफ बाउमगार्टनर र मार्को अर्नाउठोभिकले एक–एक गोल गरे । पोल्यान्डका लागि क्रिजस्टोफ पियाटेकले गरेको एकमात्र गोल सान्त्वनामा परिणत भयो । खेलको नौं मिनेटमा जेनोटको गोलबाट अस्ट्रियाले सुरुआती अग्रता बनाएको थियो ।

तर, ३०औं मिनेटमा क्रिजस्फोटले गोल गरेपछि पोल्यान्डले खेल १–१ को बराबरी अबस्थामा ल्याएको थियो । ६६औं मिनेटमा क्रिस्टोफले गोल गरेपछि अस्ट्रिया खेलमा २–१ ले अघि बढ्यो । ७८औं मिनेटमा अस्ट्रियाका लागि कप्तान मार्कोले गोल गर्दै ३–१ को जित दिलाए । जितसँगै दुई खेलबाट अस्ट्रियाले तीन अंक जोडेर तेस्रो स्थानमा छ ।

पराजित पोल्यान्ड भने युरोको समूह चरणबाटै विदा भएको छ ।