एजेन्सी । जारी आईसीसी टी–२० विश्वकप अन्तर्गत सुपर–८ को चौथो खेलमा बंगलादेशले अस्ट्रेलियालाई १ सय ४१ रनको लक्ष्य दिएको छ ।
एन्टिगुवाको सर भिभियन रिचर्ड्स स्टेडियममा शुक्रबार बिहान टस हारेर ब्याटिङको निम्तो पाएको बंगलादेशले २० ओभरमा ८ विकेट गुमाएर १ सय ४० रन बनाएको हो । बंगलादेशका लागि कप्तान नजमुल हुसेन शान्तोले सर्वाधिक ४१ रन बनाए । उनीबाहेक तौहीद हृदयले ४० रनको इनिङ खेले ।
यी दुईबाहेक बंगलादेशका अन्य कुनै खेलाडीले ठूलो इनिङ खेल्न सकेनन् । बंगलादेशलाई १ सय ४० रनमै समेट्ने क्रममा अस्ट्रेलियाका पैट कमिन्सले ह्याट्रिक विकेट लिए ।
प्रतिक्रिया