प्रहरी जवानको मृत्यु
नयाँ बानेश्वस्थित संसद भवनभित्र मृत अवस्थामा भेटिए प्रहरी जवान अजित गोले, आफैलाई गोली हानि आत्महत्या गरेको प्रहरीको प्रारम्भिक निष्कर्ष ।।
दुग्ध किसान आक्रोशित
५ अर्ब रुपैयाँ भुक्तानी नदिएपछि डीडीसी र निजी दुग्ध उद्योगमाथि किसानको आक्रोश, सरोकारवाला निकायबाट आश्वासन मात्रै, दुग्ध व्यवसायीको छुट्टै गुनासो, सामान बिक्री नहुँदा किसानलाई रकम भुक्तानी गर्न सकेका छैनौँ ।
कांग्रेसको व्यङ्ग्य
कांग्रेस सांसद श्यामकुमार घिमिरेले गरे भौतिक पूर्वाधार मन्त्री रघुविर महासेठको चर्को आलोचना, एमालेमाथि व्यङ्ग्य, उपप्रधानमन्त्री सहित सरकारको नेतृत्व गरेर पठाउने नेकपा एमालेलाई हार्दिक बधाई छ ।
डेंगुको जोखिम उच्च
७२ जिल्लामा फैलियो डेंगु, काठमाडौंमा सबैभन्दा बढी, पुसको मध्यदेखि हालसम्म १ हजार १ सय ७५ जनामा संक्रमण पुष्टि, इपिडिमियोलोजी तथा रोग नियन्त्रण महाशाखाका अनुसार तुलनात्मक रुपमा डेंगु फैलिने क्रम यस वर्ष तीब्र ।
सेनाका महासेनानी बर्खास्त
नेपाली सेनाका महासेनानी दिरेन्द्रकुमार मल्ल बर्खास्त, उमेरसम्बन्धी विवादमा दोषी ठहर ।
घरघरमा नगर प्रहरी
ललितपुर महानगरको सेवा प्रवाह टाइम कार्ड प्रणालीमा, गुनासो सुन्न ‘घरघरमा नगर प्रहरी’ अभियान, मुस्कान सहितको सेवा व्यावहारिक रुपमा लागु हुने नीति तथा कार्यक्रममा उल्लेख ।
बजेट रिराइट गर्नुपर्छ
भौतिक मन्त्रालयको बजेट पुनर्लेखन गर्नुपर्ने कांग्रेसका प्रमुख सचेतक रमेश लेखकको भनाइ, मन्त्रीहरुले बजेटको अधिकांश हिस्सा आफ्नै क्षेत्रमा लैजाने गैरजिम्मेवार काम गरेको आरोप ।
ऐरीको वरीयता सुधार
नेपाली क्रिकेटर दीपेन्द्रसिंह ऐरीको आइसीसी टी–२० अन्तर्राष्ट्रिय अलराउन्डर वरियतामा ३ स्थान सुधार, भारतीय अलराउन्डर हार्दिक पाण्ड्यालाई समेत उछिने, वरियता सुधार्दै छैटौं स्थानमा ।
चित्रबहादुर केसीको झ्याउरे गीत
विभेदपूर्ण बजेटमाथि राष्ट्रिय जनमोर्चाका अध्यक्ष चित्रबहादुर केसीको झ्याउरे गीत, थुकम भने गाईंको दूध, निलम् भने रम, खेलकुदमन्त्रीले यसै राजीनामा गोजीमा बोकेर हिडेको छु भनेका होइनन् ।
अनुदान हटाउन सिफारिस
एलपी ग्याँसमा दिँदै आएको अनुदान तीन वर्षभित्र हटाउन कर सम्बन्धी उच्चस्तरीय अध्ययन समितिको सिफारिस, हरित अर्थतन्त्रलाई प्रोत्साहन गर्ने उद्योगलाई प्रोत्साहन गर्न सुझाव ।
सरकारलाई कांग्रेसको प्रश्न
सरकारलाई नेपाली कांग्रेसका सांसद रामहरि खतिवडाको प्रश्न, पार्टीको सदस्यता नवीकरण गरे पूर्वराष्ट्रपतिको हैसियतमा सुविधा लिन मिल्ने कि नमिल्ने ? संविधानतः जवाफ दिन माग ।
महान्यायाधिवक्ताको लिखित सुझाव माग
धितोपत्र बोर्ड अध्यक्षका लागि सर्टलिस्टमा परेका ३ उम्मेदवारले कार्यप्रस्तुती तथा अन्तर्वार्ता नदिएपछि सिफारिस समिति अन्योलमा, सिफारिसबारे महान्यायाधिवक्ताको लिखित सुझाव माग, सोहि आधारमा निर्णय हुने ।
नेप्सेमा सुधार
बुधबार सेयर बजारमा झिनो सुधार, आज नेप्से २ दशमलब २७ अंकले बढेर दुई हजार ७८ दशमलब ७६ विन्दुमा बन्द, ३ अर्ब ४० करोड ४३ लाख ७२ हजार रुपैयाँ बराबरको कारोबार ।
सुनको भाउ स्थिर
नेपाली बजारमा लगातार तेस्रो दिनपनि सुनको मूल्य स्थिर, छापावाल सुन १ लाख ४२ हजार २ सय र तेजावी सुन १ लाख ४१ हजार ५ सयमा किनबेच, १० रुपैयाँले घटेको चाँदी १ हजार ८ सय ५ रुपैयाँमा कारोबार ।।
प्रतिक्रिया