अमेरिका र वेष्ट इन्डिजमा जारी आईसीसी टी–२० विश्वकप २०२४ को सुपर–८ मा पुग्ने सबै टोलीको टुङ्गो लागेको छ ।
सोमबार बिहान भएको खेलमा नेपाललाई २१ रनले पराजित गर्दै बंगलादेशले सुपर–८ मा आफ्नो स्थान सुरक्षित गरेसँगै ८ वटै टोलीको टुङ्गो लागेको हो । सुपर–८ को गु्रप–१ मा भारत, अष्ट्रेलिया, अफगानिस्तान र बंगलादेश बीच प्रतिपर्धा हुनेछ भने ग्रुप–२ मा अमेरिका, इंग्ल्यान्ड, वेष्ट इन्डिज र दक्षिण अफ्रिका परेका छन् । हरेक समूहबाट शीर्ष दुई टोली सेमिफाइनलमा पुग्नेछन् ।
सेमिफाइनल २७ जुनमा हुनेछ । फाइनल २९ जुनमा हुनेछ । सेमिफाइनल र फाइनलको रिजरर्भ डे राखिएको छ । सेमिफाइनल र फाइनलको दिन यदि वर्षा भएको खण्डमा अर्कोदिन खेल हुनेछ । सुपर–८ का खेलहरु १९ जुनदेखि २५ जुनसम्म वेष्टइण्डिजमा हुनेछन् ।
समूह डी मा रहेको नेपाल भने ४ खेलमा १ अंकसहित घर फर्किने भएको छ ।
प्रतिक्रिया