काठमाडौं । जारी टी–२० विश्वकप अन्तर्गत आफ्नो तेस्रो खेलमा दक्षिण अफ्रिकासँग नेपाल एक रहनले पराजित भएको छ ।
जितका लागि पाएको १ सय १६ रनको लक्ष्य पाएको नेपालले निर्धारित २० ओभरमा ७ विकेटको क्षतिमा १ सय १४ रन बनाउन सक्यो । नेपालका लागि आसिफ शेखले सर्वाधिक ४२ रनको योगदान दिए । उनले ४९ बलमा ४ चौका र १ छक्का प्रहार गरे । अनिल साहले २४ बलमा २७ रनको योगदान दिए । उनले यस क्रममा ३ चौका र एक छक्का प्रहार गरे ।
नेपालका लागि ओपनर कुशल भुर्तेलले २१ बलमा १३ रन जोडे । यसअघि टस हारेर पहिलो ब्याटिङ गरेको दक्षिण अफ्रिकाले निर्धारित २० ओभरमा ६ विकेटको क्षतिमा १ सय १५ रन बनाएको थियो ।
यो हारसँगै नेपालको सुपर–८ को सम्भावना सकिएको छ ।
प्रतिक्रिया