काठमाडौं । जारी आईसीसी टी–२० विश्वकप क्रिकेटको बुधबार बिहान खेलिएको खेलमा अस्ट्रेलियाले नामिबियालाई नौ विकेटले हराएको छ ।
क्यारेबियन राष्ट्र एन्टिगुआको सर भिभियन रिचर्डस स्टेडियममा खेलिएको खेलमा टस हारी पहिले ब्याटिङको निम्तो पाएको नामिबियाले १७ ओभरमै अलआउट हुँदै जम्मा ७२ रनमात्र बनाउन सकेको थियो । ७३ रनको झिनो लक्ष्य पछ्याएको अस्ट्रेलियाले ५ दशमलव ४ ओभरमा एक विकेटको क्षतिमा लक्ष्य पार गरेको थियो ।
अस्ट्रेलियाको जितमा ओपनर ब्याट्सम्यान डेभिड वार्नरले २० रनको योगदान गरे । उनले केवल आठ बलमा एक छक्का र तीन चौका हिर्काए ।
प्रतिक्रिया