काठमाडौं । गायक तथा संगीतकार नरेश खातीले नयाँ गीत ‘मेरो प्यारो बच्चा’ बजारमा ल्याएका छन् ।
नरेश खातीकै शब्द सृजना र संगीत रहेको उक्त गीतमा गायिका समिक्षा अधिकारीले आवाज भरेकी छन् । उक्त गीतको म्युजिक भिडियो शुक्रबार मेक्सम–नरेश अफिसियल युट्युब च्यानलमार्फत सार्वजनिक गरिएको छ । ‘मेरो प्यारो बच्चा’ गीतको म्युजिक भिडियोमा सञ्चिता लुइटेलसँगै बालकलाकार आयुश्मा बिक र प्रिती बस्नेतको अभिनय देखिन्छ ।
म्युजिक भिडियोको निर्देशन रुपेश थापाले गरेका छन् भने सम्पादन मिलन विश्वकर्माले गरेका छन् । यस अघि नरेश खातीकै शब्द, संगीत र आवाजमा रहेका ‘मै मरी गए’, ‘माया मारेर’, ‘मन परेरै हो’, तिम्रै मायाले, ‘आउनु न फर्केर’, ‘किन रुवाको’, ‘परान पियारा’ ‘मेरो छोरा’लगायत थुप्रै गीतहरु लोकप्रिय छन् ।
प्रतिक्रिया