काठमाडौं । अमेरिका र वेष्टइन्डिजमा जारी टी–२० विश्कप अन्र्तगत आज बिहान भएको आफ्नो दोस्रो खेलमा आयोजक वेष्टइन्डिजले युगान्डालाई १ सय ३४ रनले पराजित गरेको छ ।
वेष्टइन्डिजले दिएको १ सय ७४ रनको लक्ष्य पछ्याएको युगान्डा १२ ओभरमा मात्र ३९ रन बनाएर अलआउट भयो । युगान्डाका जुमा मियागीले अविजित १३ रन बनाउनुबाहेक अन्य कसैले पनि दोहोर अंक जोड्ने मौका नै पाएनन् । युगान्डालाई सस्तैमा समेट्ने क्रममा वेष्टइन्डिजका अकिल हुसैनले एक्लै ५ विकेट लिए ।
यस्तै, अल्जारी जोसेफले २, रोमारियो शेफर्ड, आन्द्रे रसेल र गुडाकेश मोतीले एकरएक विकेट लिए । यसअघि टस जितेर पहिले ब्याटिङ गरेको वेष्टइन्डिजले ५ विकेटको क्षतिमा १ सय ७३ रन बनाएको थियो ।
प्रतिक्रिया