एजेन्सी । जारी टी–२० विश्वकप २०२४ को समूह ‘सी’को पहिलो खेलमा अफगानिस्तानले युगान्डामाथि फराकिलो जित निकालेको छ ।
आफ्नो पहिलो खेलमा युगान्डाविरुद्ध १ सय २५ रनको सानदार जित निकाल्दै अफगानिस्तानले विजयी सुरुआत गरेको हो । अफगानिस्तानले दिएको १ सय ८४ रनको विशाल लक्ष्य पछ्याएको युगान्डा १६ ओभरमा मात्रै ५८ रन बनाएर अलआउट भयो । युगान्डाका रोबिन्सन ओबुयाले १४ र रिआजत अली साहले ११ रन बनाउनुबाहेक कुनै पनि ब्याटरले खुलेर खेल्न सकेनन् ।
युगान्डालाई सस्तैमा समेट्ने क्रममा अफगानिस्तानका फजलहक फारुकी एक्लैले ५ विकेट लिए । यस्तै, नवीन उलहक र कप्तान राशिद खानले दुई/दुई तथा मुजिब उर रहमानले एक विकेट लिए ।
यसअघि प्रोभिडेन्समा टस हारेर पहिले ब्याटिङ गरेको अफगानिस्तानले ५ विकेटको क्षतिमा १ सय ८३ रन बनाएको थियो ।
प्रतिक्रिया