श्रीलंका र दक्षिण अफ्रिका भिड्दै, कस्तो छ दुवै टोलीको विगत ?

काठमाडौं । आईसीसी टी–२० पुरुष विश्वकपको जारी नवौँ संस्करण अन्तर्गत सोमबार राति ८ः१५ मा हुने खेलमा दुई टेस्ट राष्ट्र श्रीलंका र दक्षिण अफ्रिका आपसमा भिड्दै छन् ।

उक्त खेल अमेरिकाको न्युयोर्कस्थित नासाउ काउन्टी अन्तर्राष्ट्रिय क्रिकेट रङ्गशालामा हुँदैछ् । अन्तर्राष्ट्रिय क्रिकेट काउन्सिल (आईसीसी) को पछिल्लो टी–२० अन्र्राष्ट्रिय वरीयतामा दक्षिण अफ्रिका सातौँ र श्रीलंका ८ औँ स्थानमा रहेका छन् । श्रीलंकाले हालसम्म ३ पटक विश्वकपको फाइलन खेलेको छ भने एक पटक विश्वकपको उपाधि समेत उचालेको राष्ट्र हो । श्रीलंकाले सन् २०१४ को विश्वकपको पाँचौ संस्करणको उपाधि हात पारेको थियो ।

त्यसबखत श्रीलंकाले बलियो प्रतिद्वन्द्वी भारतलाई ६ विकेटले हराएको थियो । यता, विश्वकपको पहिलो संस्करण देखिनै सहभागिता जनाएको भएपनि दक्षिण अफ्रिकाले भने हालसम्म उपाधि चुम्न सकेको छ्रैन् । अझ भनौँ दक्षिण अफ्रिकाले हालसम्म विश्वकपको फाइनल खेल्ने मौका समेत पाएको छैन् । सन् २००९ र २०१४ को विश्वकपमा सेमिफाइनल सम्म पुगेको दक्षिण अफ्रिका सेमिफाइनलमा क्रमशः पाकिस्तान र भारतसँग पराजित भएको थियो ।

यस हिसाबमा विश्वकपमा श्रीलंका दक्षिण अफ्रिका भन्दा सफल राष्ट्र मानिन्छ । तर, अन्य पाटोबाट हेर्दा दक्षिण अफ्रिकाको टोली बलियो देखिन्छ । टी–२० अन्तर्राष्ट्रिय क्रिकेटमा श्रीलंका र दक्षिण अफ्रिकाबिच १७ पटक खेल भएको छ । जसमा दक्षिण अफ्रिकाको टोलीले १२ खेलमा आफ्नो जित निकालेको छ । यस्तै आईसीसी टी–२० विश्वकपमा भने यसअघि दक्षिण अफ्रिका र श्रीलंकाबिच चार खेल भएका छन् ।

जसमा ३ खेलमा दक्षिण अफ्रिका र एक खेलमा श्रीलंका विजयी भएका छन् । यस अर्थमा दुवै टोलिको विगतलाई हेर्दा श्रीलंका भन्दा दक्षिण अफ्रिका बलियो देखिएको छ ।