वर्षभरमै ४४ हजारले बढ्यो सुनको मूल्य,आजै २ हजार ४ सयले वृद्धि

काठमाडौं। वर्ष २०८०को अन्तिम दिन सुनको मूल्य हालम्मकै उच्च कायम भएको छ ।

चैत ३० गते छापावाला सुनको मूल्य प्रतितोला १ लाख ३९ हजार रुपैयाँ पुगेको हो । अघिल्लो वर्ष यसै दिन प्रतितोला ९४ हजार ९९५ रहेको सूनको मूल्यमा सालभरमै ४४ हजार ५ रुपैयाँ वृद्धि भएको छ । यस्तै, तेजाबी सुनको मूल्य वर्षको अन्तिम कारोबार दिन शुक्रबार प्रतितोला १ लाख ३८ हजार ३५० रुपैयाँ पुगेको छ ।

चाँदीको मूल्य भने वर्षभरिमा तोलामा ५३२ रुपैयाँ बढ्दै १ हजार ७७५ रुपैयाँ कायम भएको छ ।