नेपाललाई जितका लागि ९९ रन आवश्यक

काठमाडौं । जारी त्रिकोणात्मक टी–२० क्रिकेट शृंखला खेल्न भारत पुगेको नेपाली टोलीले भारतको राज्यस्तरीय टोली गुजरातलाई ९८ रनमा अलआउन गरेको छ ।

टस हारेर पहिले ब्याटिङको निम्तो पाएको गुजरातले १८ दशमलव २ ओभरमा मात्र ९८ रन बनाउन सफल भएको छ । यो सँगै अब नेपाललाई जितका लागि जम्मा ९९ रन आवश्यक छ । नेपालका लागि गुलसन झा एक्लैले चार विकेट लिए । नेपालका लागि करण केसीले पनि तीन विकेट हात पारे । सोमपाल कामीले पनि एक विकेट लिए ।

गुजरातका दुई ब्याट्सम्यान भने रन आउट भएका थिए । गुजरातका लागि ओपनर ब्याट्सम्यान रुद्र पटेलले २३ रन बनाएका थिए । छैटौँ नम्बरका ब्याट्सम्यान हेमांग पटेलले पनि टोलीको खातामा २० रन थपे ।