काठमाडौं । बिहीबार बर्षाका कारण रोकिएको नेपाल ए र आयरल्यान्ड ए बिचको पहिलो टी–२० अभ्यास खेल आज हुँदैछ ।
खेल दिउँसो १ बजे त्रिवि क्रिकेट मैदानमा हुने क्यानले जनाएको छ । नेपाल ए र आयरल्यान्ड ए बीच समान तीन टी–२० र एक दिवसीय सिरिज हुनेछ । विहीबार वर्षाको कारण पहिलो खेल रद्द भएको थियो । त्यसैले क्यानले तालिका परिवर्तन गरेको थियो । तर, काठमाडौं उपत्यका सहित देशका विभिन्न भागहरुको मौसम खराब भइरहेको अवस्थामा आजको खेलपनि बर्षाकै कारण प्रभावित हुने हो कि भन्ने डर भने जीवितै छ ।
जल तथा मौसम पूर्वानुमान महाशाखाले समेत आज दिउँसो काठमाडौं उपत्यका सहित देशका विभिन्न भागमा बर्षाको सम्भावना रहेको बताइरहँदा आजको खेलपनि बर्षाकै कारण स्थगित हुने त होइन ? प्रश्न उब्जिएको छ । नयाँ तालिका अनुसार नेपाल ए र आयरल्यान्ड ए बीच तीन टी–२० खेल शुक्रबार, शनिबार र सोमबार हुनेछ ।
त्यस्तै तीन एकदिवसीय खेल चैत २१ (बुधबार), चैत २३ (शुक्रबार) र चैत २५ (आइतबार) हुनेछ ।
प्रतिक्रिया