ओडीआई सिरिजः क्यानडासँगको दोस्रो खेलमा नेपालले पहिले फिल्डीङ गर्दै

काठमाडौं । क्यानडासँगको एक दिवसीय सिरिजको दोस्रो खेलमा नेपालले फिल्डिङ गर्दैछ ।

क्यानडाका कप्तान साद बिन जफरले टस जितेर पहिला ब्याटिङ रोजेका छन् । आजको खेलमा कुशल भुर्तेल, आरिफ शेख, ललित राजवंशी र हेमन्त धामी बेन्चमा छन् । नेपालले आजको खेलमा आकाश चन्दलाई डेब्यु गराएको छ भने अनिल शाह र देव खनाल टोलीमा फर्किएका छन् ।

पहिलो खेलमा ७ रनले विजयी भएको नेपाल लगातार दोस्रो जित हात पार्दै सिरिज एक खेल अगावै जित्ने लक्षका साथ मैदान उत्रिदैछ ।