काठमाडौं । प्रहरी एकेडेमीमा कार्यरत प्रहरी बरिष्ठ उपरीक्षक (एसएसपी) बेलबहादुर पाण्डेले गरेको कतिपय कारोबारको स्रोत पुष्टि गर्न नसकेपछि उनीमाथि कारबाही हुने भएको छ ।
नेपाल प्रहरीले नै आन्तरिक रुपमा गरेको छानबिनमा उनीमाथि कारबाही सिफारिस भएको हो । वीरगञ्जका व्यापारी राज साहसँगको कुराकानीको अडियो बाहिरिएपछि पाण्डेमाथि डिआइजी सुरेन्द्र मैनाली नेतृत्वको छानबिन समिति बनेको थियो । समितिले सोमबार प्रहरी महानिरीक्षक बसन्तबहादुर कुँवरलाई प्रतिवेदन बुझाएको हो ।
हुन्डी कारोबारीलाई जोगाएको भनेर उनीमाथि उजुरी परेको थियो । तर, त्यो पुष्टि हुन नसकेको तर कतिपय कारोबार शंकास्पद रहेको भन्दै कारबाही सिफारिस भएको प्रहरी स्रोत बताउँछ ।
प्रतिक्रिया