गायक तथा सर्जक हेमन्त कन्छा रसाइलीको ‘चिमखोले डोको’ सार्वजनिक

काठमाडौं । गायक तथा सारङ्गी बादक हेमन्त कान्छा रसाइलीको स्वरमा रहेको मौलिक सालैजो गीत ‘चिमखोले डोको‘’ सार्वजनिक गरिएको छ ।

गीत हेमन्त कान्छा रसाइली नामक युट्युब च्यानलमार्फत सार्वजनिक गरिएको हो । टिपिकल सालैजोमा आधारित गीतमा हेमन्तलाई अमृता नेपालीले समेत स्वरमा साथ दिएकी छन् । यो गीतमा राजकुमार बगरको शब्द रहेको छ भने हेमन्त कान्छाकै संगीत छ ।

मौलिक शब्द रहेको गीतले माया प्रेमलाई र जीवन परिवेशलाई समेटेको छ । गीतको म्युजिक भिडियोले गीतलाई अझै मौलिकतामा परिचित गराएको छ । गीतको म्युजिक भिडियोलाई पनि हेमन्त कान्छाले नै निर्देशन गरेका हुन् भने सरिस्मा मगर, विजय पुन, हेमन्त कान्छा रसाइली र अस्मिता रन्पालको अभिनय देख्न सकिन्छ ।

मौलिक गीतले श्रोता दर्शकको माया पाउने अपेक्षा गरिएको छ । गीतमा प्रयोग भएको शब्द ‘चिमखोले डोको’ म्याग्दीको रघुगंगा चिमखोलाको प्रख्यात डोको हो ।

त्यहाँको डोको सहरी क्षेत्र हुँदै प्रवाससम्म उपहारको रूपमा समेत लैजाने चलन रहेको छ ।