ललितपुर । ललितपुरको इमाडोलमा बस दुर्घटना हुँदा १९ जना घाइते भएका छन् ।
दुर्घटनामा घाइतले हरुको नजिकैको अस्पतालमा उपचार भइरहेको ललितपुर प्रहरीले जनाएको छ । लुभुबाट लगनखेलतर्फ जाँदै गरेको बा २ ख ८५८३ नम्बरको बस शनिवार बिहानै बिच सडकमा नै पल्टिएको थियो । प्रहरी प्रभाग इमाडोलका अनुसार सो दुर्घटनामा परी घाइते भएका मध्ये ग्वार्कोस्थित बी एण्ड बी अस्पतालमा १८ जनाको र नजिकैको किस्ट अस्पतालमा एकजनाको उपचार भइरहेको छ ।
सबैको स्वास्थ्य अवस्था सामान्य रहेको छ । उक्त बसमा २४ जना यात्रु सवार थिए। दुर्घटनाका कारण भने तीव्र गतिमा रहेका कारण सो बस अनियन्त्रित भई बिच सडकमा पल्टिएको आंकलन गरिएको छ ।
प्रतिक्रिया