सुनचाँदीको मूल्यमा सामान्य गिरावट

काठमाडौं । नेपाल सुनचाँदी व्यवसायी महासंघले मंगलबार सुनचाँदीको मूल्यमा सामान्य गिरावट आएको जनाएको छ ।

महासंघले निर्धारण गरेको मंगलबारको कारोबार मूल्य सोमबारको तुलनामा आरालो लागेको जनाइएको छ । महासंघका अनुसार मंगलबार सुनको मूल्य तोलामा १०० र चाँदीको मूल्य तोलामा ५ रुपैयाँ घटेको छ । यससँगै, छापावाल सुनको मूल्य तोलामा १ लाख ४०० र तेजाबी सुनको मूल्य ९९ हजार ९०० रुपैयाँ कायम गरिएको छ । सोमबार छापावाल सुनको मूल्य तोालमा १ लाख ५०० र तेजाबी सुनको मूल्य तोलामा १ लाख रुपैयाँ थियो । यसैगरी, चाँदीको मूल्य ५ रुपैयाँले घटेको छ ।

महासंघले चाँदीको मूल्य तोलामा १३ सय ७५ रुपैयाँ कायम रहेको जनाएको छ । सोमबार चाँदीको मूल्य तोलामा १३ सय ८० रुपैयाँ थियो ।