घट्यो इन्धनको मुल्य, शुक्रबार राति बाटै लागु हुने

एजेन्सी । नेपाल आयल निगमले इन्धनको मूल्य घटाएको छ ।

शुक्रबार राति १२ बजेदेखि लागु हुनेगरी पेट्रोल, डिजेल र मटितेलको मूल्यमा प्रतिलिटर ३–३ रुपैयाँ घटाएको निगमले जनाएको छ । मूल्य घटेसँगै अब पेट्रोल प्रतिलिटर १७८ र डिजेल–मटितेल प्रतिलिटर १७५ कायम गरिएको छ । यसअघि पेट्रोल लिटरको १८१ र डिजेल–मटितेल १७८ रुपैयाँ थियो । निगमले हवाई इन्धन र एलपी ग्याँसको मूल्य भने यथावत राखेको छ ।

भारतीय आयल कर्पोरेसन (आईओसी)ले शुक्रबार नेपाल आयल निगमलाई इन्धनको मूल्य घटाएर नयाँ सूची पठाएपछि नेपालमा पनि इन्धनको मुल्य घटाएको हो । पछिल्लो पाँच महिनायता नाफामा रहेको निगम नयाँ मूल्य पछि पनि ठूलो नाफामा छ ।

तर, सञ्चित नोक्सानी र बक्यौता ऋण १९ अर्ब रहेको कारण देखाउँदै निगमले यो पटक पनि उपभोक्ता मूल्य अन्तरार्ष्ट्रिय बजार अनुसार मूल्य समायोजन गरेको छैन् ।