नुवाकोट । नुवाकोटको पञ्चकन्या–१ कल्चे स्थित पञ्चकन्या एग्रो टुरिजम प्रालीले का सञ्चालक कुमार थापाले ड्रागन फ्रुट खेती सुरु गरेको ८ महिनामै उत्पादन सुरु भएको छ ।
नेपाल प्रहरीको सेवाबाट अवकास पाएका थापाले करिब २ करोड ५० लाख लगानिमा ड्रागन खेती सुरु गरेका थिए । पहिलो चरणमा रोपिएका विरुवामा फल लाग्न थालेसंगै थापाले नुवाकोट देखी काठमाडौं सम्म पुर्याएर बिक्री गर्न थालेका छन् । बजारमा ८ सय प्रतिकिलो बिक्री गर्ने भएपनि थापाले फार्ममै पुगेर खरिद गर्नेलाई ५ सय प्रतिकिलोको दरले उपलब्ध गराउने गरेका छन् ।
स्वास्थ्यको लागी निकै हितकर मानिने यो फलको नियमित सेवन गर्नाले शरिरको विशाक्त तत्वलाई हटाउन र उच्च रक्तचाप घटाउन मद्धत गर्ने चिकित्सकहरुले बताउँदै आएका छन् । यसलाई फल, तरकारी, फूल तथा स्वास्थ्यवर्धक औषधिको रुपमा सेवन गरिने भएकाले पछिल्लो समय ग्राहकको रोजाईमा पर्ने गरेको छ ।
प्रतिक्रिया