काठमाडौं । इभी नेपाल मोटर्सले नेपाली बजारमा नयाँ विद्युतीय कार सार्वजनिक गरेको छ ।
नक्सालमा शोरुम उद्घाटनसंगै कम्पनीले वुलिङ ब्रान्डको कार एयर इभीलाई औपचारिक रुपमा सार्वजनिक गरेको हो । वुलिङ ब्रान्ड चिनियाँ सवारी उत्पादक समूह एसएआइसी अन्तर्गतको हो। यो चीनमा सर्वाधिक बिक्री हुने विद्युतीय कारमा पर्छ। साथै इन्डोनेशियाली बजारमा पनि निकै लोकप्रिय रहेको छ ।
नेपाली बजारमा यो मिनी इभीको २०० र ३०० किलोमिटर रेन्ज दिने दुई भेरिएन्ट उपलब्ध छन् । यसको मूल्य क्रमशः २४ लाख ९९ हजार र ३० लाख ९९ हजार रुपैयाँ निर्धारण गरिएको छ । सिटी ड्राइभिङका लागि उपयुक्त यो इलेक्ट्रिक कार ३० किलोवाट र ५० किलोवाट क्षमतामा उपलब्ध छ।
वुलिङका कार ४ घण्टामा फुल चार्ज हुने दाबी गरिएको छ। यो कारमा कम्पनीले ८ वर्षको वारेन्टी दिएको छ। एयर इभीमा भ्वाइस कमान्डिङ विशेषता पनि रहेको छ।
प्रतिक्रिया