काठमाडौं । नेपाली चलचित्र डिसेम्बर फल्सको गीत सार्वजनिक भएको छ ।
चलचित्रको ‘फकाउनै जानिन ४ घण्टा कुरेर’ बोलको गीत सार्वजनिक भएको हो । अभिनेता आर्यन सिग्देल र उपासना सिंह ठकुरी अभिनित चलचित्र डिसेम्बर फल्स आगामी पसस १५ गतेबाट देशभर प्रदर्शन हुँदैछ । गीत रिलिज कार्यक्रममा बोल्दै अभिनेता आर्यन सिग्देलले चलचित्रमा सबैखाले रोमान्टिक, प्रेम, एक्शन, मिक्स रहेकाले राम्रो रहेको बताए ।
उनले चलचित्रलाई निर्माण टिमले कुनै कन्जुस्याइँ नगरेको बताए । त्यस्तै अभिनेत्री उपासना सिंह ठकुरीले चलचित्रको सुटिङका क्रममा अग्रज कलाकारहरुबाट धेरै कुरा सिक्न पाएको बताए । उनले चलचित्र धेरै नै राम्रो बनेकाले दर्शकहरुले मन पराउनेमा विश्वस्त रहेको बताए । चलचित्र पोखरा, काठमाडौं लगायतका स्थानमा सुटिङ भएको थियो ।
चलचित्रमा आर्यन र उपासनासँगै सलोन बस्नेत, सुमन थापा, दयाराम दाहाल, नरेश भट्टराईको अभिनय छ ।
प्रतिक्रिया