काठमाडौं । मंगलवार नेप्से परिसूचक सामान्य अंकले घटेको छ । सोमवार २१ द्यशमलव २९ अंक बढेको नेप्सेपरिसूचक मंगलवार ६ दशमलव ५९ अंकले घटेर १८९७ दशमलव ८६ बिन्दुमा झरेको हो ।
त्यस्तै, सेन्सेटिभ इण्डेक्स १ दशमलव ३३ अंकले घटेको छ भने फ्लोट इण्डेक्स ० दशमलव ३१ अंक र सेन्सेटिभ इण्डेक्स ० दशमलव ४० अंकले घटेको छ । मंगलवार कारोबारमा आएका २२९ कम्पनीको २७ लाख ४५ हजार कित्ता शेयर १ अर्ब २ करोड ३६ लाख रुपैयाँ बराबरको खरिदबिक्री भएको छ । नेप्से परिसूचक घटे पनि कारोबार भने बढेको छ । सोमवार ९४ करोड बराबरको शेयर कारोबार भएको थियो ।
नेप्सेका १३ उपसमूहमध्ये ३ उपसमूहको परिसूचक बढेको छ भने बाँकी १० उपसमूहको परिसूचक घटेको छ । जसमा व्यापार, निर्जीवन बीमा र बैंकिङ्ग उपसमूहको परिसूचक बढेको छ भने यता उत्पादन तथा प्रशोधन, वित्त उपसमूहको परिसूचक घटेको छ । मंगलवार सिटिजन्स म्युचुअल फण्ड १ को इकाईमूल्य ४ दशमलव ५८ प्रतिशत बढेको छ । अन्य स्टकहरुको मूल्य वृद्धिदर भने ३ प्रतिशतभन्दा कम रहेको छ ।
तारागाउँ रिजेन्सी होटलको शेयरमूल्य ८ दशमलव ५६ प्रतिशत घटेको छ । कारोबार रकमका आधारमा मंगलवार हिमालयन डिष्टिलरीको ८ करोड २२ लाख रुपैयाँभन्दा बढीको शेयर खरिदबिक्री भएको छ ।
प्रतिक्रिया