मंगलबार नेप्से परिसूचकमा २ दशमलव ५७ अंकको गिरावट

काठमाडौं । मंगलवार नेप्से परिसूचक सामान्य अंकले घटेको छ ।

मंगलवार नेप्से परिसूचक २ दशमलव ५७ अंक घटेर १९५६ दशमलव ३६ बिन्दुमा झरेको हो । त्यस्तै,सेन्सेटिभ इण्डेक्स १ दशमलव १२ अंक घटेको छ भने फ्लोट इण्डेक्स ० दशमलव ३० अंकले र सेन्सेटिभ फ्लोट इण्डेक्स ० दशमलव ५३ अंकले घटेको छ । मंगलवार कारोबारमा आएका २२६ कम्पनीको २७ लाख ७३ हजार कित्ता शेयर १ अर्ब ५ करोड ३१ लाख ३७ हजार रुपैयाँ बराबरको खरिदबिक्री भएको छ ।

सोमवारको तुलनामा मंगलवार नेप्सेसँगै कारोबार रकम पनि घटेको छ । अघिल्लो कारोबार दिन २ अर्बभन्दा बढीको शेयर कारोबार भएको थियो । १३ उपसमूहमध्ये ४ उपसमूहको परिसूचक बढेको छ भने बाँकी ९ उपसमूहको परिसूचक घटेको छ । जसमा जीवन बीमा उपसमूहको परिसूचक सबैभन्दा बढी १ दशमलव ०३ प्रतिशत बढेको छ । त्यस्तै, अन्य उपसमूहको परिसूचक करिव १ प्रतिशत बढेको छ भने निर्जीवन बीमा र वित्त उपसमूहको परिसूचक सामान्य बढेको छ ।

तर, व्यापार उपसमूहको परिसूचक भने १ दशमलव ५६ प्रतिशत घटेको छ । मंगलवार नेप्से परिसूचक सामान्य अंकले घटेपनि लाइफ इन्स्योरेन्स कर्पोरेशनको शेयरमूल्य ४ दशमलव २२ प्रतिशत बढेको छ । त्यस्तै, गुराँस लघुवित्तको शेयरमूल्य ४ प्रतिशतभन्दा बढी बढेको छ भने नेपाल पुनर्बीमा कम्पनीको शेयरमूल्य साढे ३ प्रतिशतभन्दा बढी बढेको छ ।

तर यता कालिका लघुवित्तको शेयरमूल्य ५ दशमलव ७७ प्रतिशत घटेको छ भने मन्दाकिनी हाइड्रोपावर ४ प्रतिशतभन्दा बढी घटेको छ । मंगलबार शिवम सिमेन्ट्सको ८ करोड ५७ लाख रुपैयाँ बराबरको शेयर खरिदबिक्री भएको छ ।