काठमाडौं । मंगलवार नेप्से परिसूचक उच्च अंकले वृद्धि भएको छ ।
सोमवार १६ अंकले बढेको नेप्से परिसूचक मंगलवार ५६ दशमलव ११ अंकले वृद्धि भएर १ हजार ९३० दशमलव ९९ बिन्दुमा पुगेको हो । त्यस्तै, सेन्सेटिभ इण्डेक्स ३ दशमलव ०४ प्रतिशत बढेको छ भने फ्लोट इण्डेक्स २ दशमलव ८३ प्रतिशत र सेन्सेटिभ फ्लोट इण्डेक्स ३ दशमलव ११ प्रतिशतले बढेको छ ।
मंगलवार कारोबारमा आएका २३१ कम्पनीको ३९ लाख ७१ हजार ५९४ कित्ता शेयर १ अर्ब २९ करोड ६६ लाख ४ हजार ६४२ रुपैयाँ बराबरको कारोबार भएको छ । मंगलवार नेप्सेसँगै कारोबार रकम पनि बढेको छ । नेप्सेका १३ उपसमूह सकारात्मक देखिएको छ । जसमा अन्य उपसमूहको सबैभन्दा बढी ५ दशमलव २८ प्रतिशतले बढेको छ ।
त्यस्तै,फाइनान्स ५ दशमलव ४ प्रतिशत, व्यापार उपसमूहको ४ दशमलव ५६,हाइड्रो पावर ४ दशमलव ३७ प्रतिशतले बढेको छ । विकास बैंक र उत्पादन तथा प्रशोधन उपसमूहको परिसूचक ३ प्रतिशतभन्दा बढी बढेको छ भने बैंकिङ्ग, होटल तथा पर्यटन, लघुवित्त र निर्जीवन बीमा उपसमूहको परिसूचक २ प्रतिशतभन्दा बढी बढेको छ ।
मंगलवार न्यादी हाइड्रोपावरको शेयर सकारात्मक सर्किट लेभलमा कारोबार भएको छ । त्यस्तै,युनिभर्सल पावर कम्पनीको शेयरमूल्य ९ प्रतिशत बढेको छ भने युनियन हाइड्रोपावर, माउन्टेन हाइड्रो नेपाल, दिव्यश्वरी हाइड्रोपावर र प्रोग्रेशिभ फाइनान्सको शेयरमूल्य ८ प्रतिशतभन्दा बढी बढेको छ ।
आज एनआईसी एशिया बैंकको ६ करोड ६५ लाख रुपैयाँ बराबरको शेयर खरिदबिक्री भएको छ
प्रतिक्रिया