काठमाडौं । साताको पहिलो कारोबार दिनदेखि ओरालो लागेको नेप्से बुधवार नेप्से परिसूचक १२ दशमलव ८१ अंक घटेर १८४५ दशमलव ५१ बिन्दुमा झरेको छ ।
यसैगरि,सेन्सेटिभ इण्डेक्स २ दशमलव ६६ अंक, फ्लोट इण्डेक्स ० दशमलव ६५ अंक र सेन्सेटिभ इण्डेक्स ० दशमलव ९३ अंकले घटेको छ । बुधवार कारोबारमा आएका २१६ कम्पनीको २१ लाख ५१ हजार कित्ता शेयर ६४ करोड ३६ लाख ७ हजार रुपैयाँ बराबरको खरिदबिक्री भएको छ ।
नेप्सेका १३ उपसमूहमध्ये २ उपसमूहको परिसूचक बढेको छ भने बाँकी उपसमूहको परिसूचक घटेको छ । जसमा होटल तथा पर्यटन उपसमूहको परिसूचक १ दशमलव ५६ प्रतिशत बढेको छ भने म्युचुअल फण्डको ० दशमलव १८ प्रतिशतले बढेको छ । यता वित्त उपसमूहको परिसूचक २ दशमलव ५४ प्रतिशत घटेको छ ।
बुधवार ३ वटा कम्पनीको शेयर सकारात्मक सर्किट लेभलमा कारोबार भएको छ । जसमा अभियान लघुवित्त वित्तीय संस्था, सयपत्री हाइड्रोपावर र सिटिजन्स म्युचुअल फण्ड २ को सकारात्मक सर्किट लेभलमा कारोबार भएको हो । त्यस्तै, अपर हेवाखोलाको शेयरमूल्य साढे ७ प्रतिशतभन्दा बढी बढेको छ ।
तर पिपुल्स पावरको शेयरमूल्य करिब साढे ७ प्रतिशत घटेको छ । बुधवार सोल्टी होटलको ३ करोड ७२ लाख १२ हजार रुपैयाँ बराबरको शेयर कारोबार भएको छ ।
प्रतिक्रिया