एजेन्सी । सी जिनपिङ तेस्रो पटक चीनको राष्ट्रपतिमा निर्वाचित भएका छन् ।
एक दशकदेखि सत्तामा रहेका सी जिनपिङले तेस्रो पटक सत्तामा आएर दशकौंदेखि चल्दै आएको कीर्तिमान तोडेर इतिहास रचेका हुन् । चिनियाँ कम्युनिष्ट पार्टी (सिपिसी) का संस्थापक माओत्सेतुङको निधनपछि तेस्रो पटक सत्तामा आउने पहिलो नेता हुन सी ।
यो भन्दा अगाडी कुनै पनि नेता तेस्रो पटक सत्तामा आउन सकेका थिएनन् । सी जिनपिङले पार्टीको अध्यक्षमा निर्वाचित भएपछि आफ्नो नयाँ स्थायी समिति पनि घोषणा गरेका छन् । सी जिनपिङको टोलीमा ली कियांग, शाओ लेजी, वाङ हुनिङ, काई के डिंग शेशियांग र ली शी समावेश छन् जसमध्ये ली कियांगलाई नयाँ प्रधानमन्त्री बनाइएको छ ।
पार्टीको नेतामा निर्वाचित भएपछि सी जिनपिङले गरेको पहिलो सम्बोधनमा आफुमाथि विश्वास गरेकोमा सबैलाई धन्यवाद दिदैँ मुलुकले अहिलेसम्म धेरै उपलब्धि हासिल गरेको र अब चीनलाई हरेक हिसाबले आधुनिक समाजवादी राष्ट्र बनाउनेतर्फ अग्रसर हुने बताए ।
प्रतिक्रिया