रविले तोडे आफ्नै रेकर्ड, जित निश्चित

चितवन । चितवन २ को जारी मतगणनामा राष्ट्रिय स्वतन्त्र पार्टीका उम्मेदवार रवि लामिछाने भारि मतका साथ अग्र स्थानमा रहेका छन् ।

हालसम्म गणना भएका ६२ हजार ८ सय ८० मत गन्दा ४४ हजार ४ सय ८६ मत प्राप्त गरेका छन् । अब गन्न बाँकी मत भन्दा उनको मतान्तर धेरै भएकाले रविको जित निश्चित भइसकेको छ । जारी मतगणनामा उनलाई नेपाली कांग्रेसका उम्मेदवार जितनारायण श्रेष्ठले पच्छाइरहेको स्थिती छ । उनले ८ हजार २ सय ७५ मत प्राप्त गरेका छन् ।

यि दुई बिचको मतको अन्तर भने ३६ हजार २ सय ११ रहेको छ । त्यस्तै तेस्रो स्थानमा नेकपा एमालेका रामप्रसाद न्यौपाने रहेका छन् । उनले हालसम्म ८ हजार २ सय १७ मत प्राप्त गरेका छन् ।

चितवन–२ मा यतिबेला मतगणना चलिरहेको छ ।