आठौं पटक मन्त्रीपरिषद् विस्तारको तयारी, परराष्ट्रमा साउद

काठमाडौं । प्रधानमन्त्री पुष्पकमल दाहाल प्रचण्ड नेतृत्वको सरकार गठन भएको झन्डै ४ महिनाको अन्तरमा आइतबार आठौं पटक मन्त्रीपरिषद् विस्तारको तयारी भएको छ ।

नेपाली कांग्रेसले मन्त्रीहरुको नाम पठाउन नसक्दा ६ यस अघि मन्त्रीपरिषद्ले पूर्णता पाउन सकेको थिएन् । कांग्रेसको भागमा परेका ४ र अन्य २ गरि ६ वटा मन्त्रालयको जिम्मेवारी प्रधानमन्त्रीको काँधमा रहेको थियो । यद्यपी आइतबार केहि मन्त्रीहरुलाई शपथ खुवाउने तयारी गरिएको छ ।

नयाँ मन्त्रीहरुको शपथ दिउँसो ३ बजेका लागि तोकिएको छ । परराष्ट्रमन्त्रीको रुपमा नेपाली कांग्रेसका एनपी साउदले शपथ ग्रहण गर्ने निश्चित भएपनि अन्य मन्त्रीहरुको नाम भने टुंगो लागेको छैन । त्यसैले आठौं पटकमा पनि मन्त्रीपरिषद्ले पूर्णता पाउने सम्भावना निकै क्षीण देखिएको छ ।