धर्मशालाका अवैध संरचना हटाउन कोषको निर्देशन

काठमाडौं । पशुपति क्षेत्र विकास कोषले काठमाडौंको गौशाला धर्मशालामा मापदण्डविपरीत बनाइएका संरचना ३५ दिनभित्र हटाउन निर्देशन दिएको छ ।

कोषले शुक्रबार एक सूचना जारी गर्दै मारवाडी सेवा समिति नेपालद्वारा सञ्चालित गौशाला धर्मशाला सञ्चालक समितिलाई मापदण्ड विपरितका संरचनाहरु हटाउन निर्देशन दिएको हो । सम्झौता विपरित संरचनाहरु बनाएको पाइएपछि हटाउन समय दिएको कोषले जनाएको छ ।

सुचनामा पशुपति गौशाला धर्मशाला सञ्चालक समितिलाई असोज २६ गतेको पत्रबाट गौशाला धर्मशाला सञ्चालनको उद्देश्य मुताविक नभएको, विशुद्ध रुपमा गौपालन, नन्दी सेवा तथा तीर्थयात्रीहरुलाई धर्मशाला मात्रै सञ्चालन हुनुपर्नेमा समितिले सम्झौता विपरितका कार्यहरु गरेको पाइएकोले सम्झौता र मापदण्ड विपरितका संरचनाहरु ३५ दिन भित्र हटाउन यो सूचना जारी गरिएको उल्लेख गरिएको छ ।