प्रधानमन्त्री दाहाल र एमाले अध्यक्ष ओली बिच भेटवार्ता

काठमाडौं । प्रधानमन्त्री पुष्पकमल दाहाल प्रचण्ड नेकपा एमालेका अध्यक्ष केपी शर्मा ओलीलाई भेट्न बालकोट पुगेका छन् ।

समसामयिक राजनीतिक परिस्थिति, राष्ट्रपति निर्वाचन, मन्त्रिपरिषदलाई पूर्णता दिने लगायतका विषयमा छलफल गर्न प्रधानमन्त्री दाहाल एमाले अध्यक्ष ओली निवास बालकोट पुगेका हुन् । राष्ट्रपति आफूले पाउनुपर्ने एमालेको अडान छ भने प्रधानमन्त्री दाहाल भने राष्ट्रिय सहमतिको अडानमा छन् ।

सभामुख र केही महत्वपूर्ण मन्त्रालय पाइसकेको नेकपा एमाले भने प्रधानमन्त्री प्रचण्डलाई फकाएर राष्ट्रपति पद पनि हात पार्ने रणनीतिमा छ । प्रचण्डले भने आफ्नो रोजाइको व्यक्तिलाई राष्ट्रपति बनाउन चाहेका छन् ।

यही रस्साकस्सीका कारण बर्तमा सत्ता गठबन्धन भित्र खटपट सुरु भएको छ ।