काठमाडौं । नेपाल उद्योग तथा व्यवसायी महासंघले नेपाल इकोनोमिक समिट २०२३ आयोजना गर्ने भएको छ ।
नेकपा एमाले निकट उद्योगी व्यवसायीहरुको छाता संगठन नेपाल उद्योग तथा व्यवसायी महासंघले आउदो बैशाख २४ गते महासंघको स्थापना दिवसको अवसरमा नेपाल इकोनोमिक समिट २०२३ काठमाडौंमा आयोजना गर्ने भएको छ । नेपाल प्राकृति स्रोत र साधनले सम्पन्न भएता पनि पर्याप्त मात्रमा पुजीको अभाव, परम्परागत कृषि प्रणाली, सरकार को कमजोर औद्योगिक निति, नयाँ नयाँ प्रविधिको अभाव, दुई ठूला राष्ट्रको तुलनामा नेपालको कमजोर अर्थ ब्यवस्थाका कारण आज सम्म नेपालले आर्थिक प्रगति गर्न नसकेको कुरा महासङ्का अध्यक्ष एल.पि सावाँ लिम्बुले बताए ।
नेपाल इकोनोमिक समिट २०२३ सुचनाप्रबिधि, उर्जा, कृषि, खनिज, बित्तीय र पर्यटनसंग सम्बन्धित मुद्दाहरुमा केन्द्रीकृत भएर गर्न लागिएको हो । सम्बृद नेपाल सुखी नेपालीलाई मुर्तरुप दिन नेपाल इकोनोमिक समिटमा २०२३ आयोजना गर्न लागिएको हो । सम्मेलनलाई भब्य र सब्य बनाउन महासङ तयारीमा जुटिसकेको जानकारी अध्यक्ष सावाँले दिए ।
यही माघ ७ गते बसेको महासंघ तेस्रो बिस्तारित बैठकले नेपाल इकोनोमिक समिट २०२३ आयोजना गर्ने निर्णय गरेको थियो ।
प्रतिक्रिया