बधाईका लागि समय नमाग्न प्रधानमन्त्री दाहालको आग्रह

काठमाडौं । नवनियुक्त प्रधानमन्त्री पुष्पकमल दाहालले बधाई र शुभकामना आदान प्रदानका आफुसंग समय नमाग्न सबैलाई आग्रह गरेका छन् ।

अबको समय देश निर्माणका लागि महत्वपूर्ण भएकाले बधाई र शुभकामनाको नाममा समय खर्चिन उचिन नहुने भन्दै दाहालले यस्तो आग्रह गरेका हुन् । दाहालले बाधाई भन्दा पनि सरकारको कामलाई प्रभावकारी बनाउन सल्लाह र सुझाव पेस गर्न सवैलाई अपिल समेत गरेका छन् ।

प्रधानमन्त्रीका प्रेस संयोजक सूर्यकिरण शर्माले सामाजिक सञ्जाल फेसबुकमा लेखेका छन्, ‘सम्माननीय प्रधानमन्त्रीज्युले बधाई र शुभकामना आदानप्रदानको लागि समय माग गर्नु भएका सबै दिदिबहिनी तथा दाजुभाइहरुलाई हार्दिक धन्यवाद व्यक्त गर्दै बधाई र शुभकामनाका लागि बित्ने समयलाई देश निर्माणका काममा खर्चन उचित हुने धारणा व्यक्त गर्नु भएकोले अब उप्रान्त बधाई र शुभकामनाका लागि समय माग नगरिदिनु हुन हार्दिक अनुरोध गर्दछौं । सरकारको कामलाई प्रभावकारी बनाउनका लागि दिने सल्लाह सुझाव सचिवालयमार्फत पेश गरिदिन पनि आग्रह गर्दछौं ।’