उपाधिका लागि फ्रान्स र अर्जेन्टिना भिड्दै

एजेन्सी । कतारमा जारी फिफा विश्वकप २०२२ को फाइनल खेल आइतबार हुँदैछ् ।

फाइनलमा साविकको विजेता फ्रान्सले उपाधिको बलियो दावेदार अर्जेन्टिनासँग प्रतिस्पर्धा गर्नेछ । खेल नेपाली समय अनुसार राति ८ः४५ बजे कतारको लुसेल आइकोनिक रंगशालमा हुनेछ । तेस्रो पल्ट विश्वकपको उपाधि चुम्ने लक्ष्य सहित अर्जेन्टिना र फ्रान्स दुवै टोलीले फाइनल खेल खेल्नेछन् ।

साविक विजेता फ्रान्स लगातार दोस्रोपल्ट तथा समग्रमा चौथोपटक विश्वकपको फाइनलमा पुगेको टोली हो । फ्रान्स सन् १९९८ र २०१८ मा च्याम्पियन र २००६ मा उपविजेता बनेको थियो । साविकको विजेता फ्रान्स यसपटक पनि च्याम्पियन बन्दै उपाधि रक्षा गर्दै तेस्रो पटक च्याम्पियन बन्ने अभियानमा हुनेछ ।

यता, पहिलो खेलमा साउदी अरेबियासँग २–१ को अप्रत्याशित हार ब्यहोरेको अर्जेन्टिनाले त्यसपछि उत्कृष्ट प्रदर्शन गर्दै फाइनलमा पुग्न सफल भएको छ । कप्तान लियोनल मेस्सी अर्जेन्टिनालाई कतार विश्वकपको उपाधि दिलाउँदै आफ्नो खेल जीवनलाई सुखद अन्त्य गर्न चाहन्छन् । त्यसैले पनि अर्जेन्टिना र मेस्सीका लागि यो फाइनल खेल धेरै अर्थपूर्ण छ ।

अर्जेन्टिनाको यो पाँचौं फाइनल हुनेछ । दुईपटक (सन् १९७८ र १९८६० को च्याम्पियन अर्जेन्टिना १९३०, १९९० र २०१४ मा उपविजेता बनेको थियो ।