‘कालो केशमा रेलिमई’को फिमेल भर्सन सार्वजनिक

काठमाडौं । गीत ‘कालो केशमा रेलिमई’ को फिमेल भर्सन सार्वजनिक भएको छ ।

गायक तथा लेखक दिनेश ढकालले एक वर्ष अगाडि बजारमा लयाएको गितले निकै चर्चा बटुल्न सफल भएको थियो । केन्द्र मोसन पिक्चर्सको निर्माणमा बनेको उक्त गीत र म्युजिक भिडियोलाई शनिबार जमलस्थित विश्वज्योती फिल्म हलमा सार्वजनिक गरिएको हो । कालोकेशमा रेलिमई गीतको फिमेल भर्सनमा गायिका सुनिता थेगिमनले स्वर दिएकी छन् भने म्युजिक भिडियोमा मिरुना मगर र घनश्याम घलेको मूख्य भूमिका रहेका छ ।

गीतमा लुकेको प्रेम सम्वन्ध र समयसापेक्ष जनजीवनलाई देखाउन खोजिएको छ । छायांकन र सम्पादन उत्सव दाहालले गरेका छन् भने अडियो प्रडक्सन र मिक्सिङ रिकेश गुरुङले गरेको छन् । राजेश पुमा राईको निर्देशनमा रहेको उक्त गीतलाई निकै मेहनतका साथ बनाएको गीतका सिर्जनाकार तथा गायक दिनेश ढकालले बताए ।

ओयसआर डिजिटल युट्युब च्यानलमा रहेको मेल भर्सनको कालो केशमा रेलिमईले १५ करोड भन्दा धेरै भ्यूज पाएको छ ।