टी–२० विश्वकप क्रिकेटको उपाधि इंग्ल्यान्डलाई

एजेन्सी । आईसीसी टी–२० पुरुष विश्वकप क्रिकेटको उपाधि इंग्ल्यान्डले जितेको छ ।

अष्ट्रेलियाको मेलबर्नमा आइतबार भएको फाइनलमा पाकिस्तानलाई ५ विकेटले हराउँदै इंग्ल्यान्ड च्याम्पियन बनेको हो। पाकिस्तानले दिएको १ सय ३८ रनको लक्ष्य इंग्ल्यान्डले १९ ओभरमा ५ विकेट गुमाएर पूरा गरेको थियो । इंग्ल्यान्डको जितमा बेन स्टोक्सले सर्वाधिक ५२ रनको अर्धशतकीय इनिङ खेले ।

लियाम लिभिङस्टोन १ रनमा अबिजित रहे । इंग्ल्यान्डको जितमा कप्तान जोस बट्लर २६ रनमा आउट हुँदा ह्यारी ब्रुकले २० रन बनाएका थिए । मोइन अलीले १९ रन, फिल साल्ट १० रन र एलेक्स हेल्सले १ रनको योगदान गरेका थिए । पाकिस्तानका हरिस राउफले २ तथा शादब खान, मोहमद वासिम र शाहिन शाह अफ्रिदीले समान १–१ विकेट लिए ।

टस हारेर पहिलो व्याटिङ गरेको पाकिस्तानले २० ओभरमा ८ विकेट गुमाएर १ सय ३७ रन बनाएको थियो । पाकिस्तानका लागि शान मसुदले सर्वाधिक ३८ रन जोडेका थिए । कप्तान बाबर आजमले ३२ रन जोड्दा मोहमद रिजवानले १५ रन बनाए । शादब खानले २० रन जोड्दा मोहमद हरिस ८ रन, मोहमद वासिम ४ रन, मोहमद नवाज ३ रन तथा इफ्तिखर अहमेद सुन्य रनमा आउट भए । इंग्ल्यान्डका साम करनले ३ विकेट लिए ।

घातक बलिङ गरेका उनले ४ ओभरमा मात्र १२ रन खर्चिए । क्रिस जोर्डन र आदील राशिदले समान २–२ विकेट लिए भने बेन स्टोक्सले १ विकेट लिए । यो संगै इंग्ल्यान्डले दोस्रो पटक टी–२० विश्वकप क्रिकेटको उपाधि जितेको छ ।