सुन–चाँदीको मूल्यमा सामान्य वृद्धि, आज तोलामा कति छ ?

काठमाडौं । नेपाली बजारमा बिहीबार सुन र चाँदी दुबैको मूल्यमा सामान्य वृद्धि देखिएको छ।

नेपाल सुनचाँदी व्यवसायी महासंघका अनुसार छापावाल सुनको मूल्य तोलामा २०० रुपैयाँले बढेको हो। नवीन मूल्य अनुसार बिहीबार छापावाल सुन तोलाको १ लाख ९० हजार ६०० रुपैयाँमा कारोबार भइरहेको छ। अघिल्लो दिन अर्थात् बुधबार यो मूल्य १ लाख ९० हजार ४०० रुपैयाँ थियो। सुनसँगै चाँदीको मूल्यमा पनि वृद्ध‍ि भएको छ।

बुधबार तोलामा १ हजार ९६५ रुपैयाँ रहेको चाँदी बिहीबार बढेर तोलामा २ हजार १० रुपैयाँमा पुगेको छ। महासंघका अनुसार अन्तर्राष्ट्रिय बजारमा देखिएको मूल्य उतार–चढावका कारण नेपाली बजारमा पनि सुनचाँदीको मूल्यमा परिवर्तन भइरहेको छ।