काठमाडौं । एक दिन अघि ऐतिहासिक उचाइमा पुगेको सुनको मूल्य शुक्रबार अचानक घटेको छ।
नेपाल सुनचाँदी व्यवसायी महासंघले दिएको जानकारी अनुसार शुक्रबार सुनको मूल्य प्रतितोला ३,९०० रुपैयाँले घट्दै १ लाख ७६ हजार ४ सय रुपैयाँमा कायम भएको छ। बिहीबार मात्र सुनको भाउ १ लाख ८० हजार ३ सय रुपैयाँ पुगेको थियो, जुन हालसम्मकै उच्च दर थियो।
मूल्यमा आएको यस गिरावटलाई बजार विश्लेषकहरूले अन्तर्राष्ट्रिय बजारको उतारचढावसँग जोडेर हेरेका छन्।
यसले सुनको कारोबारमा प्रत्यक्ष प्रभाव पार्ने देखिएको छ भने उपभोक्ताहरूका लागि केही राहतको संकेतसमेत हुनसक्छ।
प्रतिक्रिया