काठमाडौं । एन्ड्रिज गौसको शतकसँगै जारी एनपीएल अन्तर्गत छैटौँ दिनको दोस्रो खेलमा पोखरा एभेन्जर्सले लुम्बिनी लायन्सलाई पराजित गरेको छ ।
त्रिवि अन्तर्राष्ट्रिय क्रिकेट मैदानमा शुक्रबार भएको खेलमा पोखराले लुम्बिनीलाई १० विकेटले पराजित गरेको हो । एनपीएलमा पोखराको यो पहिलो जित हो भने लुम्बिनी लायन्सको लगातार दोस्रो हार हो । लुम्बिनीले दिएको १ सय ७१ रनको लक्ष्य पोखराले १६ दशमलव ५ ओभरमा विनाविकेटको क्षतिमा पूरा गर्यो ।
पोखराका लागि एन्ड्रिज गौसले शतकीय तथा दिपेश खरेलले अर्धशतकीय पारी खेलेका थिए । गौसले १०४ रन बनाए । सो क्रममा उनले १२ चौका र ५ छक्का प्रहार गरे । दीपेशले ६१ रन जोडे ।
यसअघि टस जितेर ब्याटिङ थालेको लुम्बिनीले पूरै ओभर खेलेर ५ विकेटको क्षतिमा १ सय ७० रन बनाएको थियो ।
प्रतिक्रिया