काठमाडौं । रोयल इन्फिल्डको क्लासिक ३५० सिग्नल्स एडिसन नेपाली बजारमा लञ्च भएको छ ।
नेपालका लागि आधिकारिक वितरक अल्फा अटोमोटिभ प्रा.लि.ले बुधबार क्लासिक ३५० सिग्नल्स एडिसन सार्वजनिक गरेको छ । ३५० सीसी इन्जिनको यो मोटरसाइकललाई रोयल इन्फिल्डको पुरातात्विक तथा पोस्ट वार जीटु मोडलको उत्प्रेरणा जगाउने मोटरसाइकलको रुपमा लिइन्छ ।
सिग्नल्स एडिसन डेजर्ट स्पान्ड र मार्स ग्रे कलरमा उपलब्ध हुनेछ । यो मोटरसाइकलमा भएको ३५० सीसी नयाँ एयर आयल कुल्ड इन्जिनले सहज पावर डेलिभरी, बलियो टर्क र अत्यन्त परिष्कृत सवारी अनुभव प्रदान गर्दछ । यसको फराकिलो सिट प्रोफाइल र नरम फोम कुशन प्याडिडले शहरभित्र र लामो यात्रामा चालक र पछाडि बस्ने यात्रुलाई आरामदायी अनुभव दिने कम्पनिको दाबी छ ।
कम्पनिले उक्त बाइकको मूल्य ५ लाख ५५ हजार ६ सय रुपैयाँ तोकेको छ ।
प्रतिक्रिया