एनपीएलको मुख्य प्रायोजकमा सिद्धार्थ बैंक

काठमाडौं । नेपाल प्रिमियर लिग (एनपीएल) को मुख्य प्रायोजकमा सिद्धार्थ बैंक लिमिटेड हुने भएको छ ।

नेपाल क्रिकेट संघ (क्यान) का सचिव पारस खड्काले शुक्रबार पत्रकार सम्मेलन गर्दै उक्त कुराको जानकारी दिएका हुन् । सचिव खड्काका अनुसार सिद्धार्थ बैंकले एनपीएललाई पाँच बर्षका लागि प्रायोजन गर्ने गरि सम्झौता भएको छ । सिद्धार्थ बैंकसँग कति रकममा सम्झौता भएको भन्ने कुरा भने सचिव खड्काले खुलाउन चाहेनन् ।

घोषणापछि बैंकका सीईओ सुन्दरप्रसाद कँडेलले नेपाली क्रिकेट इतिहासमा एनपिएलको मुख्य प्रायोजक हुन पाएकोमा खुसी व्यक्त गरेका छन् ।

साथै उनले क्रिकेट विकासका लागि एनपिएल ऐतिहासिक फड्कोका रुपमा रहने दाबीसमेत गरेका छन् ।