एजेन्सी । भारतीय क्रिकेट टोलीको नयाँ मुख्य प्रशिक्षकमा गौतम गम्भीर नियुक्त भएका छन् ।
बीसीसीआई सचिव जय शाहले सामाजिक सञ्जालमार्फत गम्भीर मुख्य प्रशिक्षक नियुक्त भएको घोषणा गरेका हुन् । केही समययता मुख्य प्रशिक्षकको जिम्मेवारीका लागि गौतम गम्भीरको नाममा चर्चा चलिरहेको थियो । गत संस्करणको आईपीएलमा गम्भीरले मेन्टरिङ गरेको कोलकाता नाइट राइडर्सले उपाधि जितेको थियो ।
गौतमले आफ्नो कप्तानीमा कोलकोतालाई दुईपटक आईपील उपाधि जिताएका छन् । भारतले २००७ मा टी–२० विश्वकप र २०११ मा एकदिवसीय विश्वकप जित्दा उनी टीमको सदस्य थिए । गम्भीर २०१९ मा भारतीय जनता पार्टीमा सामेल भएका थिए ।
उनी पूर्वी दिल्लीबाट सांसद पनि निर्वाचित भएका थिए । हालै उनले राजनीति छोडेका हुन् ।
प्रतिक्रिया