पहिरोका कारण विपी राजमार्ग र मध्यपहाडी लोकमार्ग अवरूद्ध

सिन्धुली । गएरातिदेखि परेको अविरल बर्षासँगै देशभार बाढी र पहिरोको जोखिम बढेको छ ।

यस्तै विभिन्न ठाउँमा पहिरोले राजमार्गहरु पनि अवरुद्ध गरेको छ । अविरल बर्षाका कारण सिन्धुलीमा पहिरो जाँदा विपी राजमार्ग र मध्यपहाडी लोकमार्ग अवरूद्ध भएको छ। शनिबार बिहान सिन्धुलीको सुनकोशी गाउँपालिका–२ कमिरेफाडस्थित पहिरो खस्दा विपी राजमार्ग अवरूद्ध भएको जिल्ला प्रहरी कार्यालय सिन्धुलीले जनाएको छ ।

त्यस्तै गोलन्जोर गाउँपालिका–६ अक्करेभीरमा सडकमाथिबाट लेदोसहितको पहिरो खस्दा मध्यपहाडी लोकमार्ग अवरूद्ध भएको छ। प्रहरीका अुनसार पहिरोका कारण सवारी साधन दुइतर्फी नै बन्द भएका छन्।

पहिरोमा फसेका सवारी साधनहरूलाई उद्धार गरी सुरक्षित स्थानमा राखिएको र स्थानीय तहहरूसँग समन्वय गरी पहिरो पन्छाउने काम भइरहेको प्रहरीले जनाएको छ ।