११ दशमलव ६० अंकले घट्यो नेप्से

काठमाडौं । बुधबार सेयर बजार परिसूचक नेप्से ११ दशमलव ६० अंकले घटेको छ ।

मंगलबार ५ दशमलव ६० अंकले बढेको नेप्से सूचक बुधबार ० दशमलव ५६ प्रतिशतले घट्दै २ हजार ६० दशमलव १६ विन्दुमा झरेको हो । बुधबार ४ अर्ब ५ करोड रुपैयाँभन्दा माथिको ८७ लाख २७ हजार कित्ता सेयर कारोबार भएको नेपाल स्टक एक्सचेन्जले जनाएको छ ।

त्यसमा सबैभन्दा बढी नेपाल फाइनान्सको १६ करोड ४६ लाख १८ हजार रुपैयाँ बराबरको सेयर कारोबार भएको छ भने गुडवील फाइनान्सको १५ करोड १६ लाख ४९ हजार रुपैयाँ र एनआरएन इन्फास्ट्रक्चर डभलपमेन्ट लिमिटेडको १३ करोड ३३ लाख ५४ हजार रुपैयाँ बराबरको सेयर दोस्रो बजारमा कारोबार भएको छ ।

५७ कम्पनीको सेयर मूल्य बढ्दा हाज १८६ कम्पनीको मूल्य घटेको छ । ३ वटा कम्पनीको मूल्य भने स्थिर रहेको छ ।