एजेन्सी । युरोकप २०२४ अन्तर्गत बुधबार राति भएको समूह ए को खेलमा हंगेरीलाई हराउँदै आयोजक जर्मनी अन्तिम १६ मा प्रवेश गरेको छ ।
यो सँगै जर्मनी अन्तिम १६ मा पुग्ने पहिलो टोली समेत बनेको छ । बुधबार राति भएको खेलमा जर्मनीले हंगेरीलाई २–० गोल अन्तरले पराजित गरेको हो । खेलको २२ औँ मिनेटमा इल्के गुन्डोगानको पासमा गोल गर्दै जमाल मुसियालाले जर्मनीलाई अग्रता दिलाएका थिए । दोस्रो हाफमा गुन्डोगानले गोल गर्दै टोलीलाई सहज जित दिलाए ।
जर्मनीले आफ्नो पहिलो खेलमा स्कटल्यान्डमाथि ५–१ को शानदार जित निकालेको थियो । यता, पहिलो खेलमा स्विट्जरल्यान्डसँग पराजित भएको हंगेरी भने प्रतियोगिताबाट बाहिरिने नजिक पुगेको छ । अर्को खेलमा स्कटल्यान्डलाई हराए मात्र टोली अर्को चरणमा पुग्ने आशा बाँकी रहन्छ । यसका लागि पनि टोली अन्य खेलको नतिजामा भर पर्नुपर्छ ।
२ खेलपछि ६ अङ्क बटुलेर जर्मनी समूह एको शीर्ष स्थानमा छ । १ खेलबाट ३ अङ्कसहित स्विट्जरल्यान्ड दोस्रो स्थानमा छ ।
प्रतिक्रिया