एजेन्सी । भारतको लोकसभा निर्वाचन अन्र्तगत बिहान १०ः ३० बजे सम्मको तथ्याङ अनुसार भारतिय जनता पार्टी (बीजेपी) सहितको गठबन्धन २ सय ९९ सिटमा अघि देखिएको छ भने कांग्रस सहितको गठबन्धन (इंडिया गठबन्धन) १ सय ९३ सिटमा अघि रहेको छ ।
यस्तै अन्य पार्टी ४३ सिटमा आफ्नो अग्रता कायम राखेका छन् । अहिलेसम्मको अवस्थालाई हेर्दा उत्तर प्रदेशमा एनडीए ४३ र इंडिया गठबन्धन ३६ सिटमा अघि देखिएका छन् । यस्तै बिहारमा एनडीए ३२ र इंडिया गठबन्धन ७ सिटमा अघि देखिएको छ । पश्चिम बंगालमा एनडीए १७, इंडिया गठबन्धन ४ र २१ सिटमा अन्य पार्टीले अग्रता कायम गरेका छन् ।
बिहान १० सम्मको निर्वाचन आयोगको तथ्याङ्क अनुसार अहिले सम्म ५ सय ४२ मध्ये ४ सय ५७ सिटको नतिजा आईरहेको छ । जसमा बीजेपी २ सय ९, कांग्रेस ८० र समाजवादी पार्टी २९ सिटमा अघि देखिएका छन् ।
प्रतिक्रिया