काठमाडौँ । नेपाली रुपैयाँ ईतिहासमै सवैभन्दा कमजोर भएको छ ।
नेपाल राष्ट्र बैंकले प्रकाशित गरेको विनिमय दरअनुसार मंगलबारका लागि १ अमेरिकी डलरबराबर १ सय ३० रुपैयाँ ९० पैसा रहेको छ । शुक्रबार एक अमेरिकी डलर बराबर १ सय २९ रुपैयाँ ६८ पैसा थियो भने शनिबार, आइतबार र सोमबार १ डलरको १ सय २९ रुपैयाँ ८९ पैसा थियो ।
पछिल्लो समय रूस–युक्रेन युद्धका कारण अमेरिकी अर्थतन्त्र बलियो बन्दै गएपछि विश्व बजारमा डलर महँगो बन्दै गएको छ । अमेरिकी डलर बलियो भएपछि नेपाली रुपैँया दिन प्रतिदिन कमजोर हुदैँ गएको हो । नेपाल राष्ट्र बैंकका अनुसार २०७८ असार मसान्तको तुलनामा २०७९ असारसम्ममा अमेरिकी डलरसँग नेपाली रुपैयाँ ७ प्रतिशतले कमजोर भएको थियो ।
२०७९ असार मसान्तको तुलनामा गत साउनमा अमेरिकी डलरसँग नेपाली रुपैयाँ ० दशमलव ३ प्रतिशतले बढेको राष्ट्र बैंकले जनाएको छ । अघिल्लो वर्षको सोही अवधिमा नेपाली रुपैयाँ ० दशमलव ५ प्रतिशतले बढेको थियो ।
प्रतिक्रिया